ملتقى الجزائريين والعرب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البنات في الأعراس..

استعرض الموضوع التالي استعرض الموضوع السابق اذهب الى الأسفل

البنات في الأعراس.. Empty البنات في الأعراس..

مُساهمة من طرف ﺂ̲ﻟ̲ۆږﺩ̲ة ﺂ̲ﻟ̲ﺟ̅ۆږيےة الخميس 31 مارس - 11:52:44

اليوم جيت نحكيلكم في الموضوع على انواع البنات في لعراس

نبداو على بركة الله 

البنات في الأعراس.. Hqdefault


بنات العم والخالات 



شحاال فرحتلك حنونة نموت عليك شيري

العقوبة ليك : وقتاش نفرحو بيكم؟ 

لا انا مانفكر في الزواج الآن أبدا أبدا , نحب نكمل دراستي ونحقق أحلامي 

وهي في قلبها راهي تموت بالغصة والحسرة

صدقناك البنات في الأعراس.. Icon

 

فاميلة العريس البنات في الأعراس.. Icon

يقعدو عند الباب مهمتهم الترحيب بالضيوف وشكون مازال ما تعشى

ومرة على مرة يطلقو زغريييدة يويويويويويوي

 

البايرات البنات في الأعراس.. Iconالبنات في الأعراس.. Icon

هذا النوع من البنات من تدخل العرس وهي لاصقة في لابيست ترقص وتشطح وأمها تكون على خط التماس تعطيها في التعليمات

بحثا عن عجوزة وحماة المستقبل , ماتخلي أحد إلا وتسلم عليه 

 

الغيارات البنات في الأعراس.. Icon

هذا النوع من البنات يغيرو من العروسة ما يخلو حتى سنتيم الا وانتقدوه

نيفها طويل شوفي سنانها صفرين طالعة تشبه لعلم إسبانيا , شوفي شحال سمينة 

راجلها بوقوص عليها وين لقاتو , هي ما تشبه لوالو شوفي الناس لي عندهم زهر , واضح دارتلو السحور

شوفي شوفي لاغوب بلونش ديمودي من العصر الفيكتوري , والقماش قماش ستائر  

شوفي شعرها كيفاش داير هذا قصة شعر بزوج ملايين انا من نوض من الفراش شعري يكون أحسن منها 

شوفي الماكياج عجبت بيها ليستيتيسيان تقول كلون راهي تبان مثل الجوكر من فيلم باتمان 

 

عاشقات التصوير البنات في الأعراس.. Icon

هذا النوع من البنات من تدخل وهي حاكمة التلفون في يدها وهي تصور 

تصور الأكل والتحلية 

تصور الضيوف

تصور قاعة الحفلات تصور الكراسي

وتموت على selfie

 شحال تحب الطبايع ماتترك أحد غير وتتصور معاه

 وياويلك ماتلقى WIFI

 

القواصات ولجنة التحكيم البنات في الأعراس.. Icon

هذا النوع من الناس دائما يحجزو الصف الأول من الكراسي تظهر عليهم علامات الرزانة ولكنهم ستوتات 

كل شيء يفوت على عينهم 

في اليوم التالي يبداو بالإنتقاد والكلام 

لباس رشيدة ماشي شباب هذا لي قالت شراتو 4 ملايين من دبي 

صيغة وذهب نادية باين بلاكيور

خديجة جابت ولادها معاها ماتحشمش

ياسمين باين متخاصمة مع عجوزتها هي قاعدة في جهة وعجوزتها في جهة 

نسيمة دارت لاطاي 

الماكلة تعيف ماشي بنينة وحطوهالنا باردة

صليحة ما تعفرش ترقص

القاطو مخدوم بالكاوكاو الدراهم لي عندهم مايعرفوش يديرو اللوز والكركاع

قاعة الحفلات لاصال مضلمة ومافيهاش كليماتيزار السخانة قتلتنا

أهل العروسة حاسبين رواحهم

 

الحاصول بن شيخ ومايلحقهمش

 

الأكولات البنات في الأعراس.. Icon

هذا النوع يجي من أجل بطنة فقط وتلقاهم كل دقيقة يسألو اذا العريس جا ولا مازال وقتاش يحطو العشاء

ومعروف عليهم يتعشاو زوج مرات ويجيبو معاهم صاك كبير يدسو فيه القاطو والماكلة لي بقات 

 

ونلحقو للنوع الأخير نختمو بيه الموضوع وهو 

نوع الحشامات البنات في الأعراس.. Icon

هذا النوع من الفتيات من تدخل وهي حاكمة قنت كي الرتيلة تشوف من بعيد 

تحط صاكها في حجرها وساعة على ساعة تخبطها بإبتسامة صغيرة

يقولوها كولي ما كليتي والو تحشم وتحمار كي الطماطيشة 

يحلفو عليها نوضي ترقصي تقولهم مانعرفش نرقص ماتحشمونيش 

وهي لوكان تنوض ترقص دير حالة وتهول لابيست

البنات في الأعراس.. 295559_404312896344180_1263560301_n



ﺂ̲ﻟ̲ۆږﺩ̲ة ﺂ̲ﻟ̲ﺟ̅ۆږيےة
ﺂ̲ﻟ̲ۆږﺩ̲ة ﺂ̲ﻟ̲ﺟ̅ۆږيےة
المشرفات
المشرفات

احترام القوانين : 100 %
عدد المساهمات : 1264
تاريخ الميلاد : 14/06/1988
العمر : 35

الرجوع الى أعلى الصفحة اذهب الى الأسفل

البنات في الأعراس.. Empty رد: البنات في الأعراس..

مُساهمة من طرف نخيل الجمعة 1 أبريل - 7:49:09

واقع مألم


أتساءل عن بركة الأفراح، أين هي من هذا كله؟

الله يهدينا و يصلح شأننا

استغفر الله

شكرا على التذكير أختي الوردة الجورية




نخيل
عضو نشيط
عضو  نشيط

احترام القوانين : 100 %
عدد المساهمات : 397
تاريخ الميلاد : 22/02/1969
العمر : 55

الرجوع الى أعلى الصفحة اذهب الى الأسفل

استعرض الموضوع التالي استعرض الموضوع السابق الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى