الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  
الصحف الجزائرية algerianpress

************
************
************
************
************
************
************
************
************
************
************
************
************
************
************
************
************
************
************
************
************
************
إرسال موضوع جديد   إرسال مساهمة في موضوع
شاطر | 
 

 البنات في الأعراس..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ﺂ̲ﻟ̲ۆږﺩ̲ة ﺂ̲ﻟ̲ﺟ̅ۆږيےة
المشرفات
المشرفات


احترام القوانين : 100 %
عدد المساهمات : 1264
تاريخ الميلاد : 14/06/1988
العمر : 28

مُساهمةموضوع: البنات في الأعراس..   31.03.16 11:52

اليوم جيت نحكيلكم في الموضوع على انواع البنات في لعراس

نبداو على بركة الله 




بنات العم والخالات 



شحاال فرحتلك حنونة نموت عليك شيري

العقوبة ليك : وقتاش نفرحو بيكم؟ 

لا انا مانفكر في الزواج الآن أبدا أبدا , نحب نكمل دراستي ونحقق أحلامي 

وهي في قلبها راهي تموت بالغصة والحسرة

صدقناك 

 

فاميلة العريس 

يقعدو عند الباب مهمتهم الترحيب بالضيوف وشكون مازال ما تعشى

ومرة على مرة يطلقو زغريييدة يويويويويويوي

 

البايرات 

هذا النوع من البنات من تدخل العرس وهي لاصقة في لابيست ترقص وتشطح وأمها تكون على خط التماس تعطيها في التعليمات

بحثا عن عجوزة وحماة المستقبل , ماتخلي أحد إلا وتسلم عليه 

 

الغيارات 

هذا النوع من البنات يغيرو من العروسة ما يخلو حتى سنتيم الا وانتقدوه

نيفها طويل شوفي سنانها صفرين طالعة تشبه لعلم إسبانيا , شوفي شحال سمينة 

راجلها بوقوص عليها وين لقاتو , هي ما تشبه لوالو شوفي الناس لي عندهم زهر , واضح دارتلو السحور

شوفي شوفي لاغوب بلونش ديمودي من العصر الفيكتوري , والقماش قماش ستائر  

شوفي شعرها كيفاش داير هذا قصة شعر بزوج ملايين انا من نوض من الفراش شعري يكون أحسن منها 

شوفي الماكياج عجبت بيها ليستيتيسيان تقول كلون راهي تبان مثل الجوكر من فيلم باتمان 

 

عاشقات التصوير 

هذا النوع من البنات من تدخل وهي حاكمة التلفون في يدها وهي تصور 

تصور الأكل والتحلية 

تصور الضيوف

تصور قاعة الحفلات تصور الكراسي

وتموت على selfie

 شحال تحب الطبايع ماتترك أحد غير وتتصور معاه

 وياويلك ماتلقى WIFI

 

القواصات ولجنة التحكيم 

هذا النوع من الناس دائما يحجزو الصف الأول من الكراسي تظهر عليهم علامات الرزانة ولكنهم ستوتات 

كل شيء يفوت على عينهم 

في اليوم التالي يبداو بالإنتقاد والكلام 

لباس رشيدة ماشي شباب هذا لي قالت شراتو 4 ملايين من دبي 

صيغة وذهب نادية باين بلاكيور

خديجة جابت ولادها معاها ماتحشمش

ياسمين باين متخاصمة مع عجوزتها هي قاعدة في جهة وعجوزتها في جهة 

نسيمة دارت لاطاي 

الماكلة تعيف ماشي بنينة وحطوهالنا باردة

صليحة ما تعفرش ترقص

القاطو مخدوم بالكاوكاو الدراهم لي عندهم مايعرفوش يديرو اللوز والكركاع

قاعة الحفلات لاصال مضلمة ومافيهاش كليماتيزار السخانة قتلتنا

أهل العروسة حاسبين رواحهم

 

الحاصول بن شيخ ومايلحقهمش

 

الأكولات 

هذا النوع يجي من أجل بطنة فقط وتلقاهم كل دقيقة يسألو اذا العريس جا ولا مازال وقتاش يحطو العشاء

ومعروف عليهم يتعشاو زوج مرات ويجيبو معاهم صاك كبير يدسو فيه القاطو والماكلة لي بقات 

 

ونلحقو للنوع الأخير نختمو بيه الموضوع وهو 

نوع الحشامات 

هذا النوع من الفتيات من تدخل وهي حاكمة قنت كي الرتيلة تشوف من بعيد 

تحط صاكها في حجرها وساعة على ساعة تخبطها بإبتسامة صغيرة

يقولوها كولي ما كليتي والو تحشم وتحمار كي الطماطيشة 

يحلفو عليها نوضي ترقصي تقولهم مانعرفش نرقص ماتحشمونيش 

وهي لوكان تنوض ترقص دير حالة وتهول لابيست

الرجوع الى أعلى الصفحة اذهب الى الأسفل
نخيل
عضو نشيط
عضو  نشيط


احترام القوانين : 100 %
عدد المساهمات : 379
تاريخ الميلاد : 22/02/1969
العمر : 47

مُساهمةموضوع: رد: البنات في الأعراس..   01.04.16 7:49

واقع مألم


أتساءل عن بركة الأفراح، أين هي من هذا كله؟

الله يهدينا و يصلح شأننا

استغفر الله

شكرا على التذكير أختي الوردة الجورية


"إنَّما الأَعمالُ بالنِّيَّات، وإِنَّمَا لِكُلِّ امرئٍ مَا نَوَى"
الرجوع الى أعلى الصفحة اذهب الى الأسفل
 

البنات في الأعراس..

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1



صلاحيات هذا المنتدى:تستطيع الرد على المواضيع في هذا المنتدى
ملتقى الجزائريين والعرب :: المنتدى العام :: المنتدى العام
-
إرسال موضوع جديد   إرسال مساهمة في موضوع