Adlis af chikh Moqran Agawa

Ulac asentel ur tḥuz tmedyazt taqbaylit si tallit yezrin ɣer ass-a. Kra yellan d taɣawsa iccuden medden ɣer tudert d wayen yellan deffir n tudert, tamedyazt taqbaylit terra tamawt ɣer ɣur-s si zzik n zikk . Abrid i i-yenǧer Yusef Uqasi, Si Muḥend U Mḥend, Ccix Muḥend u Lḥusin, Slimane Azem, yefka-d ikuftan n usnulfu d uɛebber akked uktili n ifrdisen wuɣur tezdew tudert i wakken a nnilli seg wid yeddan d akud deg nettidir. Tefka-d aya n isental waṭas n wudmawen. Lunis At Mengellet, Ben Muḥamed, Ccix Noredine , Luni Husin , Mehdi Samira. Salim Mussa d waṭas nniḍen fkan aɣanib nniḍen i ṣṣenf-agi n tasekla , ṣṣawḍen-tt ɣer taqacuct n thuski akked d telqay n telqay n inumak yefren deg-s . Aya ur d yelli ara alarmi neǧǧren imezwura ɣef ublaḍ n tira iḥulfawen-nsen izehren deg texliǧin n yixfawen-nsen. Moqran Agawa netta yecna aṭas, s waṭas n isefra iruḥaniyen. Acku timeṭṭi n tmurt n leqbayal tefka udem yemgaraden i ddin ɣef igduden nniḍen. Di tmetti yettagalen s jmaɛliman , d smaḥ akked tayri i lsas n ddin . Anect-a dayen ara d nemllil deg adlis ara d-yefɣen ɣer tizrigin « Kerdja » ddew yiwen uzwal : « Moqran Agawa ccna akked tanfust ». adlis-agi , d- adlis yura Mass Ḥussin Hadid seg taddart Nat Aɛṭteli deg Larbaɛ Nat Iraten. Akken ad nsuk tamuɣli ɣef leqdic-agi amaynut , nemllal akked d tnemhalt n tizrigin « Kerdja » Massa Kerǧa Tasedda, yeṣɛan agerdas n liṣens deg aḥric n ussudes ( menagement) . Massa Kerdja, ɣer tura, thegga tlata n yedlisen, ssin gar-assen fɣen yakka. Di tadiwenit –agi , temslay-aɣ-d Massa Kerdja Tasedda ɣef udlis n Moqran Agawa akked d tamuɣli-ines ɣef udlis sumata , d liḥala n tizrigin di tmurt-nneɣ.

Ayen adlis ɣef Moqran Agawa?

Di tazwara, Moqran Agawa, n ɛeṭṭel akken a narru fellas adlis. Netta d mmi-s n Larbɛa Nat Iraten (ɣef i yecna yiwet n tezlit tgerrez nezeh), illul deg taddart n At Aɛeṭṭli , yeqdec aṭas deg temnat n Bgayet. Syinna id yebbi isem-agi “ Agawa”, ɣef tama yagi-nneɣ iwumi semman At Bgayet Igawawen.

Anwa yuran adlis-agi?

Adlis yura-t Mas Husin Hadid, d yiwen unezdaɣ n taddart n At Aɛṭeli. Iregem-as i Ccix Moqran anect-a di tudert-is. Acku yewwed laɛfu n Rebbi. Amaɛni awal yenna-t i wemɣar d twacult-is. Mass Hadid d win yesɛan awal akked leḥrara i tririt n yiseɣ i yal n win yuklalen. U Ccix Mweqran yuklal tajmilt am ta.

Isefra yecna Moqran Agawa qqnen ɣer tasa( ddin), acu n wazal tesɛa tmedyazt -agi deg timetti n tmurt n leqbayel?

Tamedyazt n Moqran Agawa d ttrebbi ɣef tegmat , ɣef wayen yelhan. Iwata ad nnini belli yugmed sɣur Lḥaj Saïd Ibeḥriyen aṭas n isefra. Aya yella-d s lɣerḍ n urgaz-agi ur n ttwassen -ara ɣer medden. Timetti taḥwaj win ara tt- id yesmektayen ɣef ibrden iweqmen.

Di tuget n lawan, isefra-agi mallen-d udem n ddin d wamek i temslen lejdud-nneɣ... acu n tamsirt ara d-affen yilmeẓayen--nneɣ mi ara ddlun ɣef udem-agi n tmedyazt?

Ilemzyen-nneɣ ass-a atnan gar iberdan, yiwen yaɛreq wayeḍ diri-t. Limmer di ara ddun deg wayen id tenǧǧer tjaddit yili ur d nettaweḍ ara ɣer laɛjeb i la iḍerrun nḥader-asen. Isefra n Ccix Moqran, d wid yettamalen abrid n ddin iseḥḥan, akken it-id wwin imezwura-nneɣ.

Tizrigin « Kerdja » ... deg ahil-nsent aṭas n yedlisen nniḍen ... ma tezmreḍ ad tinni-ḍ i yimeɣriyen-nneɣ anwi yakk idlisen ara d yefɣen deg aguren-agi id teddun? Anwi idlisen ara d yefɣen ? .

Akka ur zmireɣ ak-id tfkeɣ ayen iɣ yettraǧǧun. Zemreɣ-kan ad bedreɣ adlis-agi ɣef Cc ix Mweqran. Isefra s tefransist n Mas Benamghar, Adlis n umezruy (La conquête Française du Djurdjura: 3 volumes), “Isefra n wul “n Kerdja Lynda, d ssin n yedrisen ar ad yefɣen lewhi n meɣres neɣ Ibrir n-useggas id iteddun.

Anwa yellan deffir tizrigin n « Kerǧa »? Acu n wazal ara mmudent tizrigin-agi i udlis akked ungal amaziɣ ?

Tizrigin “Kerǧa” deffir nsent tayri n tira, n wuẓẓu tussna akked tmusni, d usbeddi n sanǧaq n ṣṣwab d tririt n yiseɣ i win yettnadin. Nebɣa a nnekk deg tizi n tlisa di tmusni. Ayen id icudden ɣer ungal d wadlis amaziɣ yella deg ahil-nneɣ . Acku yewɛar uzenzi imi mačči aṭas i-ifkan azal I waya.

Wissen ma yella tizrigt “Kerǧa” yella-as di lbal ad tezrireg diɣen adlisen s wudem n Net ( udem PDF)?

Asteqsi –agi s wazal-is. Tizrigin ad kecment s annar atrar ad tilli ula d netta-t deg uẓeṭṭa n Lweb . . Melmi iɣ- d tella tegnit akked wallal i waya.

Asirem n tezrigin “Kerǧa”?

Asirem-nneɣ aɣ- yawi Rebbi deg ṣṣwab deg ayen nxeddem , ad yili wayen yelhan imi nniya-nneɣ tessa ɣef wayen yelhan. A neffeɣ ɣer wayen nesaram i yidles d tmusni akked tussna...

Awalim anagaru.

Awali-w anegaru ? Ahat niɣd aṭas uqbel asteqsi-agi, acu kan ad inniɣ belli aṭas n yedlisen ur neqbil ara. Aya d tasqamut n tɣuri n tezrigin id yettaken tamuɣli-s. Ilaq wid iwumi ur neqbil-ara ayen iɣ- d fkan ad ẓren belli tizrigin-nneɣ ḥwajent ad farnent i wakken ad tessufɣent ayen ara iɛajben imeɣriyen sumata, d wid iḥemlen tasekla d wayen id icudden ɣures. Uqbel tagara n wawal-iw, ad snimreɣ aɣmis n « La dépêche de Kabylie » iyi-fkan tagnit- agi ad inniɣ s- usiferri kra taktiwin d tmuɣliwin is id nnusa akken a d nekcem yisen s annar agi n tezrigin.

Ait Slimane Hamid

الموضوع الأصلي : Adlis af chikh Moqran Agawa

المصدر : ملتقى الجزائريين والعرب